NORMAS DO CONCURSO DE DEBUXO

1.- PARTICIPANTES:

Pódese presentar ó concurso calquera neno e nena membro da asociación que teña 14 anos ou menos. A inscrición será de balde.

2.- TÉCNICA:

Totalmente libre. Pódese emplear calquera tipo de técnica e material (ceras, acuarela, purpurina, témperas, etc).

3.-TEMA:

O tema do debuxo será a nosa parroquia: Lens. Cada neno e nena deberá expresar no seu debuxo como ve a nosa parroquia, podendo reproducir unha paisaxe ou calquera escena da vida cotiá.

4.- PRESENTACIÓN:

Os debuxos deben presentarse nun folio formato DIN A4.

No debuxo non debe aparecer o nome do participante nin dos seus familiares.

Facilitaránselle os datos do participante á persoa encargada da recollida dos debuxos.

Os debuxos recolleranse no adro o sábado as 18:00.

5.- XURADO:

O xurado estará constituído por 3 membros da asociación escollidos ó azar; non poderán formar parte do xurados os pais e familiares cercanos dos participantes.

Tódolos debuxos se presentarán no concurso de forma anónima, asignando a cada debuxo un código numérico asociado ó nome do participante. A esta lista só terá acceso un membro da xunta directiva que tampouco formará parte do xurado.